MAYNILA — Inaasahang aabot ng P370 milyon ang jackpot prize ng Ultra Lotto 6/58 sa Biyernes, Hunyo 30, sabi ng Philippine Charity Sweepstakes Office (PCSO) ngayong Huwebes.
Hindi pa rin kasi napanalunan ang jackpot prize ng Ultra Lotto 6/58, na pumalo sa higit P343 milyon nitong Martes. May winning combination itong 28 -19 – 24 – 35 – 38 – 37.
“Ultra Lotto 6/58 jackpot amount is projected to reach P370M on June 30,” sabi ni PCSO Assistant General Manager for Gaming Arnel Casas sa ABS-CBN News.
Inaasahang pipilahan ang lotto outlets sa Biyernes dahil sa paglobo ng jackpot prize ng Ultra Lotto 6/58.